Sukmo Anglemboro

Wastra lungset ing sampiran. Sanepan iku kok rumangsaku mathuk yen digathukke karo kahanan awakku. Klambi, yen ora tau diagem, mung dicenthelke nang sampiran, yo dadine mung lungset nganggur. Utek lan ati, yen ora tau diasah, yo ora bakal lantip. Lha sesasi luwih, kok ora nguthak-athik pikir, ora ngolah roso, arep nglekasi nulis wae kok yo aras-arasen. Sajake, perlu meguru marang begawan Ersis, utawa kyaine Sawali, kanggo miwiti urip kang anyar iki.

Niyat ingsun, klambi tak enggo maneh. Lungset, nanging yen amargo dienggo, mesthine luwih prayoga tinimbang lungset mung nang sampiran. Nanging sakdurunge dienggo maneh, ben patut sinawang, lan kepenak dirahabi, klambi perlu dikumbah, dipepe lan disetliko luwih dhisik.

Para kadang, nuwun sewu, nyrantos sekedhap, kulo badhe umbah-umbah rumiyin, sakderengipun sandhangan meniko kulo agem malih. Mugi toya beningipuin lancar, lan mboten kejawahan, ugi listerik mboten pejah, saenggo saget lancar anggen kulo tata-tata mbikak dhasaran malih.

Berbagi

……..

……..

……..

Berbagi

Durung. Isih seneng dadi sukmo nyambrang ….. Sinambi nunggu wangsit nang ngisor uwit….

Berbagi

Yoh, aku wis mati. Mbuh ra weruh kapan urip maneh. Mbok menawa pisan pindho sukmaku nyambrang mrene, sekedar mbuang idu. Yen sampeyan arep ngirim sajen aku, di dokok nang ngisor kene. Ra perlu karo ngobong menyan utawa dupo. Ra perlu nyebar kembang setaman opo lengo kenongo. Iso ugo, sukmaku anglelono nang omah sampeyan. Ninggal tilas, utowo ora, utowo mung saklebatan sasmito.

“Mugo iso ngaso kanthi wening”

Berbagi

Omah anyar. Coro jowone, perlu diangslupi. Untunge aku duwe panemu yen kabeh dino iku becik, dadi ora perlu repot-repot ngetung weton alias neptu, nogo dino, lan sakpanunggalane. Dino iki, Seloso Pon, ora luwih apik utowo luwih olo tinimbang dino liyane. Dadi ora ono olone, yen aku miwiti mangslup (dudu mangnusia sluper lho) ing blog iki.

Matur nuwun kang tanpo upami dhumateng ngarsanipun paman Tyo, ingkang cariyosipun ndoro kakung lelananging jagad, kagungan bondho mas picis rojobrono tumpuk undhung. Temtunipun ugi kagem poro wadyo bolo ingkang sampun kerso ngepyakaken dagdigdug.com, kalebet pakdhe Enda, lan sanes-sanesipun.

Aku ora niyat bedhol deso seko omah lawasku, mung pingin golek sawangan anyar. Mbok menowo lagi aras-arasan nang omah lawas, yo mlayu golek kelangenan nang kene. Mbok menawa iku senine wong poligamiblogi

Nuwun ….

Berbagi

Welcome to dagdigdug.com. This is your first post. Edit or delete it, then start blogging!

Berbagi